ବିଜେପୁରରେ ସେବାପକ୍ଷ ପାଳନ: 30 ୟୁନିଟ ରକ୍ତ ସଂଗ୍ରହ

ବିଜେପୁର: ମାନବତାର ପରିଭାଷା ରୂପେ ଗଢ଼ି ଉଠିଲା ବିଜେପୁରର ରକ୍ତଦାନ ଶିବିର। ସେବାପକ୍ଷ ପାଳନ ଅବସରରେ ମଙ୍ଗଳବାର ଦିନ ବିଜେପୁର ଏସଏଚଜି ଭବନ ପ୍ରାଙ୍ଗଣରେ ଅନୁଷ୍ଠିତ ହେଲା ସାଇପାଲି ଓ ଲାଉମୁଣ୍ଡା ମଣ୍ଡଳ ସ୍ତରୀୟ ଯୁକ୍ତ ରକ୍ତଦାନ ଶିବିର। ଏହି ଅନୁଷ୍ଠାନରେ ଶିବିର ନଥିଲା, ଥିଲା ଏକ ପବିତ୍ର ମାନବୀୟ ବନ୍ଧନ। ଶିବିରରେ ମୁଖ୍ୟ ଅତିଥି ଭାବରେ ବିଜେପୁର ବ୍ଲକ ଅଧ୍ୟକ୍ଷ ଜୟକୃଷ୍ଣ ଡନସେନା ଉପସ୍ଥିତ ରହି ରକ୍ତଦାନକୁ ମାନବଜାତିର ପରସ୍ପର ପ୍ରତି ଦିଆଯାଇଥିବା ସର୍ବଶ୍ରେଷ୍ଠ ଉପହାର ଭାବରେ ଆଖ୍ୟାୟିତ କରିଥିଲେ। ସାମ୍ବାଦିକଙ୍କୁ ସମ୍ବୋଧିତ କରି କହିଥିଲେ, "ପ୍ରତ୍ୟେକ ରକ୍ତଦାନ ଏକ ଅସୁସ୍ଥ ରୋଗୀଙ୍କ ଜୀବନରେ ଆଲୋକର ଏକ କିରଣ ସଦୃଶ। ଏହି ସାମାଜିକ ଦାୟିତ୍ୱରେ ସମସ୍ତଙ୍କର ସହଭାଗିତା ଅତ୍ୟାବଶ୍ୟକ।" ଶିବିରରେ ସାମ୍ବାନୀତ ଅତିଥି ଭାବରେ ଶରତ ବିଶି ଓ ଜ଼ିଲ୍ଲାପରିଷଦ ସୁଶାନ୍ତ ଗଡ଼ତୀୟା ଉପସ୍ଥିତ ଥିଲେ।  ସାଇପାଲି ମଣ୍ଡଳ ସଭାପତି ବୀରସୁରେନ୍ଦ୍ର ସାହୁ ଓ ଲାଉମୁଣ୍ଡା ମଣ୍ଡଳ ସଭାପତି ଆଶୁତୋଷ ମେହେରଙ୍କ ସଂଯୁକ୍ତ ପରିଚାଳନାରେ ଶିବିର ପରିବେଶ ଥିଲା ଉତ୍ସାବମୟ। ଶିବିରରେ ରକ୍ତଦାନ କରିଥିବା ଲୋକେ କହିଥିଲେ  "ରକ୍ତ ଦାନ କରିବା ପରେ ମନେ ହେଉଛି ଯେପରି କୌଣସି ଏକ ଅଜଣା ବ୍ୟକ୍ତିଙ୍କ ଜୀବନ ବଂଚାଇବାର ସୁଯୋଗ ମିଳିଲା।" ବରଗଡ ରକ୍ତଭଣ୍ଡାରର କର୍ମଚାରୀମାନେ ଯଥା ଅମରର୍ଜିତ ମହାନ୍ତି, ରେବତୀକାନ୍ତ ସାହୁ, ଶ୍ରୀବଚ ସେଠ ଓ କୃଷ୍ଣଚନ୍ଦ୍ର ସାହୁ ରକ୍ତସଂଗ୍ରହ କାର୍ଯ୍ୟକୁ ସୁଚାରୁ ଭାବରେ ସମ୍ପାଦନ କରିଥିଲେ। ଶିବିରରେ ୩୦ ୟୁନିଟ୍ ରକ୍ତ ସଂଗ୍ରହ ହୋଇଥିବା ବ୍ୟକ୍ତ କରାଯାଇଛି। ଏହି ରକ୍ତ ଅନେକ ରୋଗୀଙ୍କ ପ୍ରାଣରକ୍ଷାରେ ମହତ୍ତ୍ୱପୂର୍ଣ୍ଣ ଭୂମିକା ନେବ ବୋଲି ଆଶା କରାଯାଉଛି। ଶିବିରର ସଫଳତା ପଛରେ ଥିଲା ସ୍ଥାନୀୟ ବିଜେପି କାର୍ଯ୍ୟକର୍ତ୍ତାମାନଙ୍କର ଅବିଶ୍ରାନ୍ତ ପରିଶ୍ରମ। ବିକ୍ରମ ସେଠ, ଭାନୁ ସାହୁ, କ୍ରିଷ୍ଣା ଭୋଇ, ଯୋଗେଶ୍ୱରୀ ସେଠ, ସୁନାଫୁଲ ସେଠ, ପଦ୍ମିନୀ ତରିଆ, ସମାରି ମେହେର, ପିନୁ ମେହେର, ରିଙ୍କୁ ଓ ଅନ୍ୟାନ୍ୟଙ୍କ ସହଯୋଗ ଏହି ମାନବୀୟ ଅଭିଯାନକୁ ସଫଳ କରିଥିଲା। ଏହି ରକ୍ତଦାନ ଶିବିର କେବଳ ଏକ ସାଂଖ୍ୟିକ ଉପଲବ୍ଧି ନହୋଇ, ସେବା ଓ ସମର୍ପଣର ଏକ ଜ୍ୱଳନ୍ତ ଦୃଷ୍ଟାନ୍ତ ଭାବରେ ରହିଗଲା। ଏହା ସାମାଜିକ ସଂହତି ଓ ମାନବୀୟ ମୂଲ୍ୟବୋଧକୁ ଆହୁରି ସୁଦୃଢ଼ କରିବାରେ ସଫଳ ହୋଇଛି।

Report- Sushanta Sahu