ଭୁବନେଶ୍ବର : ବରଗଡ଼ ଜିଲ୍ଲା ପଶ୍ଚିମ ଓଡ଼ିଶାର କୃଷି ମାନଚିତ୍ର ରେ ସ୍ବତନ୍ତ୍ର ସ୍ଥାନ ଅଧିକାର କରିଛି। ଏହାର ମହତ୍ଵ କୁ ଦେଖି ବରଗଡ଼ କୁ ଓଡିଶା ର “ଧାନର ଗୋଦାମ” (Rice Bowl of Odisha) ରୂପେ ବର୍ଣ୍ଣନା କରାଯାଏ।ଜିଲ୍ଲାର ଅଧିକାଂଶ ଲୋକ କୃଷିରେ ନିର୍ଭର କରନ୍ତି। କୃଷି ଏଠାରେ କେବଳ ଜୀବିକା ନୁହେଁ, ଏହା ଜନଜୀବନର ଅଭିନ୍ନ ଅଂଶ। ମାତ୍ର ପରିତାପ ର ବିଷୟ ଏହି ଅଂଚଳର ଚାଷୀ ମାନେ ବିଭିନ୍ନ ସମୟରେ ସରକାରୀ ଉଦାସୀନତା ଶିକାର ହୁଅନ୍ତି I ବର୍ତମାନ ପରିସ୍ଥିତି ରେ ବରଗଡ଼ ଅଂଚଳର ଚାଷୀ ମାନେ ପଞ୍ଜିକରଣ ପାଇଁ ଲାଗୁ ହେଇଥିବା ନୂତନ ନୀତି ଯୋଗୁଁ ଅସୁବିଧା ରେ ପଡିଛନ୍ତି I ଧାନ କାର୍ଡ ତିଆରି ପାଇଁ ବଂଶାବଳୀ ର ଆବଶ୍ୟକତା ପଡୁଛି ତେଣୁ ଧାନ ବିକ୍ରୟ କରିବାରେ ନାନା ଅସୁବିଧା ର ସମ୍ମୁଖୀନ ହେଉଛନ୍ତି I ସେମାନେ ଅନୁରୋଧ କରିଛନ୍ତି ଯେ ସ୍ଵଘୋଷଣାନାମା ରେ ପଞ୍ଜିକରଣ କରାଯାଉ I ଇତି ମଧ୍ୟରେ ବରଗଡ଼ ଜିଲ୍ଲା ର ସମସ୍ତ ସମସ୍ତ ବିଧାୟକ କୃଷକ ମାନଙ୍କ ଏହି ସମସ୍ୟାକୁ ହୃଦୟଙ୍ଗମ କରି ସମସ୍ୟା ର ସମାଧାନ ପାଇଁ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ସାକ୍ଷାତ କରିଥିଲେ I ବରଗଡ଼ ବିଧାୟକ ଅଶ୍ଵିନୀ ଷଡ଼ଙ୍ଗୀ, ବିଜେପୁର ବିଧାୟକ ସନତ କୁମାର ଗଡତିଆ, ଅତାବିରା ବିଧାୟକ ନିହାର ମହାନନ୍ଦ ଓ ଭଟଲି ବିଧାୟକ ଇରାଶୀଷ ଆଚାର୍ଯ୍ୟଙ୍କ ଏଭଳି ପ୍ରୟାସ ବାସ୍ତବରେ ପ୍ରଶଂସନୀୟ ଥିଲା I
Download Talpadar TV app
ଆଜି ବରଗଡ଼ ଜିଲ୍ଲାର ଭାରତୀୟ ଜନତା ପାର୍ଟି ଦଳର ସମସ୍ତ ବିଧାୟକମାନେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଓ ମାନ୍ୟବର ଖାଦ୍ୟ ଯୋଗାଣ ମନ୍ତ୍ରୀ ଶ୍ରୀ କୃଷ୍ଣଚନ୍ଦ୍ର ପାତ୍ରଙ୍କୁ ଭେଟିଥିଲେ । ଏହି ସାକ୍ଷାତରେ ବରଗଡ଼ ଜିଲ୍ଲାର ଚାଷୀ ପଞ୍ଚିକରଣ ପ୍ରକ୍ରିୟା ର ସରଳୀକରଣ , ଧାନ ବିକ୍ରୟ ବ୍ୟବସ୍ଥା ରେ ଉପୁଜିଥିବା ସମସ୍ୟା, ଏବଂ ଚାଷୀମାନଙ୍କ ସହ ସମ୍ପୃକ୍ତ ଅନେକ ସମସ୍ୟାକୁ ନେଇ ବିସ୍ତୃତ ଆଲୋଚନା ହୋଇଥିଲା ।
No comments:
Post a Comment