ବିଜେପୁର :–
ଅନନ୍ତ ପୂଜା ମହୋତ୍ସବ ବିଜେପୁରରେ ପାଳିତ ହେଉଥିବା ପ୍ରମୁଖ ଧାର୍ମିକ ପର୍ବଗୁଡ଼ିକ ମଧ୍ୟରୁ ଗୋଟିଏ, ଯେଉଁଥିରେ ପ୍ରତିବର୍ଷ ଲକ୍ଷାଧିକ ଭକ୍ତଜନଙ୍କର ସମାଗମ ଘଟେ । ପୂଜା ସମୟରେ ଏହି ଅଞ୍ଚଳର ସାମାଜିକ ଓ ଧାର୍ମିକ ପରିବେଶ ଉଲ୍ଲାସମୟ ହୋଇଯାଏ । ଏପରି ସମୟରେ ସ୍ଥାନୀୟ ଓ ଜାତୀୟ ଗଣମାଧ୍ୟମରେ ପ୍ରଚାର-ପ୍ରସାର ନିଶ୍ଚୟ ଏକ ବଡ଼ ଭୂମିକା ନିର୍ବାହ କରେ। ଏହି କାର୍ଯ୍ୟରେ ‘ବିଶ୍ଵବାଣୀ’ ସମ୍ବାଦପତ୍ର ନିରନ୍ତର ଅଗ୍ରଣୀ ଭାବରେ କାମ କରୁଛି । ବିଶେଷକରି ବରଗଡ଼ ଜିଲ୍ଲାର ବରିଷ୍ଠ ପ୍ରତିନିଧି ନିରଞ୍ଜନ ତ୍ରିପାଠୀ, ପ୍ରତିବର୍ଷ ଅନନ୍ତ ପୂଜା ସମୟରେ ନିଷ୍ଠାପୂର୍ଣ୍ଣ ଭାବରେ କାର୍ଯ୍ୟ କରିଆସୁଛନ୍ତି । ପୂଜା ସମ୍ବନ୍ଧୀୟ ସମସ୍ତ ସୂଚନା, ଦିନ-ପ୍ରତିଦିନର ଖବର, ପର୍ବର ପ୍ରତ୍ୟେକ ଦୃଶ୍ୟ, ଭକ୍ତଙ୍କର ଭାବନା ଓ ଅନୁଭୂତିକୁ ସେ ସ୍ୱୟଂ ପ୍ରଚେଷ୍ଟାରେ ପାଠକଙ୍କ ସମ୍ମୁଖରେ ପହଞ୍ଚାଇଆସୁଛନ୍ତି । ଏହାକୁ ଦ୍ୱାରା, କେବଳ ସମାଜରେ ସଚେତନତା ଓ ପ୍ରଚାର-ପ୍ରସାର ବଢ଼ିନାହିଁ, ବରଂ ପୂଜାକୁ ଏକ ବିଶ୍ଵସ୍ତରୀୟ ଆକର୍ଷଣୀୟ ଆୟୋଜନରେ ପରିଣତ କରିବାରେ ସେ ବୃହତ୍ତର ଅବଦାନ ରଖୁଛନ୍ତି I ତାଙ୍କର ଏହି ଦୀର୍ଘଦିନର ସେବାଭାବ ଓ ପେଶାକୁ ସ୍ୱୀକାର କରି, ଏବର୍ଷ ବିଜେପୁର ଅନନ୍ତ ପୂଜା ମହୋତ୍ସବ ସମନ୍ୱୟ କମିଟି ପକ୍ଷରୁ ତାଙ୍କୁ ସମ୍ମାନିତ କରାଯାଇଛି । ଜଳନ୍ଧର ଦରବାରରେ ଆୟୋଜିତ ବିଶେଷ କାର୍ଯ୍ୟକ୍ରମରେ କମିଟି ପକ୍ଷରୁ ଶାଳ, ମାଳା ଓ ସମ୍ବର୍ଦ୍ଧନା ପତ୍ର ପ୍ରଦାନ କରି ତାଙ୍କୁ ସମ୍ମାନିତ କରାଯାଇଥିଲା । ସେଥିରେ ଉପସ୍ଥିତ ସ୍ଥାନୀୟ ମାନ୍ୟଗଣ୍ୟ, ଭକ୍ତଜନ ବଡ଼ କରତାଳି ଦେଇ ତାଙ୍କୁ ଅଭିନନ୍ଦନ ଜଣାଇଥିଲେ I ସମ୍ମାନ ଗ୍ରହଣ କରି ନିରଞ୍ଜନ ତ୍ରିପାଠୀ କହିଥିଲେ – “ଏହି ସମ୍ମାନ କେବଳ ମୋର ପାଇଁ ନୁହେଁ, ବରଂ ବିଶ୍ଵବାଣୀ ପରିବାରର ପ୍ରତ୍ୟେକ ସଦସ୍ୟଙ୍କ ପାଇଁ ଗର୍ବର କ୍ଷଣ । ଆମେ ସମସ୍ତେ ମିଳି ସତ୍ୟ ଓ ନିଷ୍ପକ୍ଷ ସମ୍ବାଦକୁ ଜନସାଧାରଣ ପର୍ଯ୍ୟନ୍ତ ପହଞ୍ଚାଇବାରେ ସମର୍ପିତ । ଏହି ଅବସରରେ କମିଟି ସଦସ୍ୟମାନେ ମଧ୍ୟ ତାଙ୍କର କାର୍ଯ୍ୟ, ସମର୍ପଣ ଓ ସମୟୋଚିତ ଖବର ପ୍ରଦାନ କରିବାକୁ ବିଶେଷ ଭାବରେ ପ୍ରଶଂସା କରିଲେ । ସେମାନଙ୍କ କହିବା ଅନୁସାରେ, ସମ୍ବାଦପତ୍ରର ଯୋଗଦାନ ବିନା ଏପରି ବିଶାଳ ପର୍ବର ଗୌରବ ସମସ୍ତଙ୍କୁ ପାଖକୁ ପହଞ୍ଚିବା ସମ୍ଭବ ହୋଇନଥାନ୍ତା ।
Report- Sushanta Sahu
Talpadar TV
ଯେକୌଣସି ନ୍ୟୂଜ୍ ଦେବାପାଇଁ ଆମ ପ୍ରତିନିଧି ଙ୍କୁ ଯୋଗାଯୋଗ କରନ୍ତୁ - 9439493184
No comments:
Post a Comment