ପଦ୍ମପୁର ଫ୍ଲାଇଓଭର୍ ନିକଟରେ ଛାତ୍ରଛାତ୍ରୀଙ୍କୁ ଛୁରୀ ଦେଖାଇ ଧମକ, ସୁରକ୍ଷା ବୃଦ୍ଧି ପାଇଁ ଏବିଭିପି ର ଦାବି
ପଦ୍ମପୁର, ଓଡ଼ିଶା :ପଦ୍ମପୁର ଅଞ୍ଚଳରେ ଅବସ୍ଥିତ ଏକ ସ୍ଥାନୀୟ କଲେଜର କିଛି ଛାତ୍ରଛାତ୍ରୀ ଏକ ଗୁରୁତର ଘଟଣାର ସାମ୍ନା କଲେ l ସେମାନେ ଫ୍ଲାଇଓଭର୍ ନିକଟରେ ବସ୍ ଅପେକ୍ଷା କରୁଥିବା ବେଳେ କିଛି ସ୍ଥାନୀୟ ଦୁର୍ବୃତ୍ତ ସେମାନଙ୍କୁ ଛୁରୀ ଦେଖାଇ ଧମକ ଦେଲେ ଏବଂ ଟଙ୍କା ଦାବି କଲେ। ଏହି ଅପରାଧିକ କାର୍ଯ୍ୟରେ ଛାତ୍ରଛାତ୍ରୀ ମାନେ ଭୟଭୀତ ଓ ଚିନ୍ତିତ ହୋଇପଡିଥିଲେ।ଘଟଣା ବିଷୟରେ ଜାଣିବା ପରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ (ଏବିଭିପି) ଯୁବ ଇଉନିଟ ପକ୍ଷରୁ ତୁରନ୍ତ ପ୍ରତିକ୍ରିୟା ଦିଆଯାଇଥିଲା। ସେମାନେ କଲେଜ ପ୍ରଶାସନ ସହ ଥାନା ଅଧିକାରୀଙ୍କ ସହ ସଂଯୋଗ ସ୍ଥାପନ କରି ଦାବି କରିଛନ୍ତି ଯେ ଛାତ୍ରଛାତ୍ରୀଙ୍କ ସୁରକ୍ଷା ପାଇଁ ଶୀଘ୍ର ପଦକ୍ଷେପ ନିଆଯାଉ।ଏହି ଅଭିଯୋଗ ଉପରେ କାର୍ଯ୍ୟ ନେଇ ବ୍ରିଜ଼ ଅଞ୍ଚଳକୁ ଥାନା ଅଧିକାରୀ ଯାଇ ଘଟଣା ସ୍ଥଳ ପରିଦର୍ଶନ କରିଛନ୍ତି। ସେଠାରେ ଛାତ୍ରଛାତ୍ରୀଙ୍କୁ ଆଶ୍ୱାସନ ଦେଇ ଏକ ସ୍ଥାୟୀ ପୁଲିସ ଗାର୍ଡ ନିଯୁକ୍ତ କରାଯିବା ଘୋଷଣା ହୋଇଛି। ଏହି ସହିତ, ଫ୍ଲାଇଓଭର୍ ଅଞ୍ଚଳରେ ସିସିଟିଭି କ୍ୟାମେରା ଲାଗେଇବା ସମ୍ପର୍କରେ ମଧ୍ୟ ପ୍ରଶାସନ ପକ୍ଷରୁ ଆଶ୍ୱାସନ ମିଳିଛି। ଅଞ୍ଚଳବାସୀ ଓ ଅଭିଭାବକମାନେ ଏହି ପଦକ୍ଷେପକୁ ସ୍ୱାଗତ କରି ସମୟରେ ପୋଲିସ ଦ୍ୱାରା ନିଆଯାଇଥିବା ଉଚିତ ପଦକ୍ଷେପ ପାଇଁ କୃତଜ୍ଞତା ପ୍ରକାଶ କରିଛନ୍ତି। ତେବେ ଏହିପରି ଅପରାଧିକ କାର୍ଯ୍ୟ ପୁଣି କେବେ ଘଟିବନାହିଁ ବୋଲି ଲୋକମାନେ ଆଶା ବ୍ୟକ୍ତ କରୁଛନ୍ତି।
Riport- ସୁଶାନ୍ତ ସାହୁ
ତାଳପଦର ଟିଭି
No comments:
Post a Comment